FIR DEN PUBLIK NET ZOUGÄNGLECH.

Den Verwaltungsrot vun der LDF gouf vum Kulturminister Eric Thill op eng Entrevue invitéiert, déi den Dënschdeg, den 15. Oktober 2024, vun 11h00 bis 12h00 am Ministère de la Culture stattfënnt. D’Haapttheemen vun dësem Treffen sinn d’offiziell Präsentatioun vun der LDF un den Minister an d’Situatioun am Schutz vum gebauten an architektonesche Patrimoine zu Lëtzebuerg.

An dësem Kontext biede mir Iech, bis spéitstens den 8. Oktober 2024, eis Är Froen, Kommentaren oder Suergen, déi Dir wëllt, dass den Verwaltungsrot bei dëser Geleeënheet mam Minister besprécht, per Email ze schécken. Dëst wäert eis erlaben, Är Uleies an eiser Virbereedung ze berécksiichtegen an un de Minister matzedeelen.

Mir soen Iech villmools Merci am Viraus.